काठमाडौं । सिन्धुली गोलञ्जोर गाउँपालिका–६ बाट बेपत्ता भएका एकै परिवारका १६ जना पोखरामा भेटिएका छन् । कास्कीका एसपी श्यामबाबु ओलियाका अनुसार १६ जनाले आफूहरू मजदुरीको काम गर्न पोखरा आएको बताएका छन् ।
उनीहरू गगनगौँडाका स्थानीय सोमनाथ पौडेल र चन्द्र भण्डारीको घरमा बसिरहेको अवस्थामा फेला पारिएको ओलियाले जानकारी दिए । उनीहरुलाई प्रहरीले नियन्त्रणमा लिएको छ ।
जिल्ला प्रहरी कार्यालय सिन्धुलीले पनि विज्ञप्ति जारी गर्दै उनीहरु फेला परेको जानकारी दिएको छ ।
