काठमाडौं । नेपाल समाजवादी पार्टी (नयाँ शक्ति) का अध्यक्ष डा. बाबुराम भट्टराईले आज अध्यक्ष पदबाट राजीनामा दिएका छन्। पार्टी प्रवक्ता कृष्ण शर्माका अनुसार, जेनजी आन्दोलनपछि पार्टीको रूपान्तरण र पुनर्गठनका लागि अध्यक्ष भट्टराईले पद त्याग गरेको बताएका छन्।
आज काठमाडौंमा आयोजित केन्द्रीय समितिको विशेष विस्तारित बैठकमा केन्द्रीय तहका सबै सदस्यहरू, प्रदेश संयोजकहरू र जिल्ला संयोजकहरूको उपस्थिति रहेको थियो।
पद त्यागपछि पार्टी भित्र महाधिवेशन र नेतृत्व पुनर्संरचना प्रक्रियाका लागि तयारी सुरु हुने अपेक्षा गरिएको छ।
