काठमाडौँ । इजरायलमा अध्ययनका क्रममा ज्यान विपिन जोशीको परिवारलाई सरकारले १० लाख रुपैयाँ सहयोग उपलब्ध गराउने निर्णय गरेको हो।
मन्त्रिपरिषद्को गत २ वैशाखमा बसेको बैठकले उक्त निर्णय गरेको सरकारका प्रवक्ता तथा सञ्चारमन्त्री सस्मित पोखरेलले जानकारी दिए ।
यस निर्णयलाई विदेशमा रहेका नेपालीको सुरक्षाप्रति राज्यको चासो र दायित्वसँग जोडेर हेरिएको छ । यस्ता घटनामा परेका नागरिकका परिवारलाई राहत उपलब्ध गराउने अभ्यासलाई सरकारले निरन्तरता दिएको छ।
सरकारको यो निर्णयले पीडित परिवारलाई केही राहत पुग्ने अपेक्षा गरिएको छ भने विदेशमा रहेका नेपालीको सुरक्षाबारे थप बहससमेत हुने देखिएको छ।
यसअघि सरकारले मन्त्रिपरिषद् बैठकका सीमित निर्णयहरू मात्र सार्वजनिक गर्ने गरेको थियो भने आज विगतका निर्णयहरू समेत एकैपटक सार्वजनिक गरिएको छ।
