काठमाडौं । पछिल्लो २४ घण्टामा १६ जनाको मृत्यु भएको छ भने थप १० हजार २५४ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार २० हजार १८७ नमुना परीक्षण गर्दा १० हजार २५४ जनामा संक्रमण पुष्टि हो ।
देशभरमा १४ हजार ४६२ नमुनाको पीसीआर परिक्षण गर्दा ८ हजार ३१२ र ५ हजार ७२५ नमुनाको एन्टीजेन परिक्षण गर्दा २ हजार ४२ जनामा संक्रमण पुष्टि भएको हो ।
त्यस्तै संक्रमितमध्ये काठमाडौंमा ३७६२, ललितपुरमा १११० र भक्तपुरमा ४३४ जना गरी काठमाडौं उपत्यकामा ५३०६ जनामा संक्रमण देखिएको छ ।
