काठमाडौं, १५ चैत । सत्ता गठबन्धन दलका शीर्ष नेताहरूको बैठक अहिले बसिरहेको छ । प्रधानमन्त्री निवास बालुवाटारमा जारी बैठकमा मन्त्रालय भागबण्डाका विषयमा छलफल भइरहेको छ ।
मंगलबार साँझ बसेको बैठकमा मन्त्रालय बाँडफाँटबारे सहमति जुट्न नसकेपछि आज बिहान पनि बैठक बसेको थियो । बिहान बसेको बैठकमा पार्टीहरूलाई केही मन्त्रीको नाम बुझाउन भनिएको थियो ।
प्रधानमन्त्री पुष्पकमल दाहाल प्रचण्डले २६ फागुनमा पुन विश्वासको मत पाएका थिए । सत्ता साझेदार दलबीच मन्त्रालय बाँडफाँटमा कुरा मिल्न नसक्दा मन्त्रिपरिषद् विस्तार गर्न सकेका छैन ।
