ओखलढुंगा, १४ फागुन । एकिकृत अखिल नेपाल शिक्षक संगठन ओखलढुंगाको अध्यक्षमा इन्द्र लुइटेल चयन भएका छन । नेकपा माओवादी निकट संगठनको छैटौं जिल्ला अधिवेसनले लुइटेललाई अध्यक्षमा सर्वसम्मत चयन गरेको हो ।
सदरमुकाम स्थित जिल्ला समन्वय समितिको हलमा शनिबार सम्पन्न भएको अधिवेसनले अध्यक्ष लुइटेलको अध्यक्षतामा १७ सदस्य सहितको जिल्ला कार्यसमिति गठन गरेको छ ।
अध्यक्षमा अन्य शिक्षकको दाबी रहेपनि छलफलले लुइटेललाई अध्यक्ष बनाउने सहमति जुटेको माओवादी केन्द्र नगरसमितिका सचिव वसन्त कटवालले जानकारी दिए ।
समितिको उपाध्यक्षमा ध्रुव सञ्जेल, सचिवमा शिव प्रसाद ढुंगाना र कोषाध्यक्षमा किलि शेर्पा लगायत १७ सदस्य रहेका छन ।
