काठमाडौं । प्रतिनिधिसभाको आज बस्ने बैठकले सशस्त्र प्रहरी बल नेपाल विधेयक, २०८१ अगाडि बढाउने भएको छ । आज ११ बजेका लागि बोलाइएको प्रतिनिधिसभा बैठकमा गृहमन्त्री रमेश लेखकले सशस्त्र प्रहरी बल, नेपाल विधेयकलाई दफावार छलफलको लागि सम्बन्धित समितिमा पठाइयोस् भन्ने प्रस्ताव प्रस्तुत गर्ने कार्यक्रम रहेको छ ।
गत माघ १५ गते प्रतिनिधिसभामा दर्ता भएको यो विधेयक १२ दिनपछि माघ २७ गते सभामा प्रस्तुत भएको थियो । त्यसपछि फागुन १२ गते विधेयकमाथि सामान्य छलफल भएको थियो ।
