काठमाडौं । सुनको मूल्यले निरन्तर तीन दिनदेखि नयाँ रेकर्ड बनाएको छ । यस दिन सुनको मूल्य प्रतितोला ५०० रुपैयाँले बढेको हो ।
नेपाल सुनचाँदी व्यवसायी महासंघका अनुसार यस दिन छापावाल सुनको मूल्य प्रतितोला एक लाख ५७ हजार ३०० रुपैयाँमा कारोबार भइरहेको छ ।
आइतबारको बजारमा एक लाख ५६ हजार ८०० रुपैयाँमा कारोबार भएको थियो । गत शुक्रबारदेखि सुनको मूल्यले निरन्तर रुपमा रेकर्ड बनाउँदै बढेको छ ।
यस दिन चाँदीको मूल्य पनि बढेको छ । सोमबार चाँदीको मूल्य १५ रुपैयाँले बढेर एक हजार ९१५ रुपैयाँमा किनबेच भइरहेको छ । आइतबार चाँदीको मूल्य प्रतीतोल एक हजार ९०० रुपैयाँमा कारोबार भएको थियो ।
