काठमाडौं । आगामी मंसिर १६ देखि ६ पुससम्म हुने नेपाल प्रिमियर लिग (एनपीएल) का लागि ८ जना मार्की खेलाडी सार्वजनिक गरिएको छ।
मार्की खेलाडीमा राष्ट्रिय टीमका कप्तान रोहित पौडेल, लेग स्पिनर सन्दीप लामिछाने, अलराउन्डर दीपेन्द्रसिंह ऐरी, सोमपाल कामी, करण केसी, कुशल मल्ल, कुशल भुर्तेल र आसिफ शेख रहेका छन्।
यसअघि एनपीएलमा सहभागी टोलीको लिलामी गरिएको थियो। जसमा पोखरा फ्रेन्चाइज टोली सर्वाधिक ३ करोड ३३ लाख ३३ हजार ३ सय ३९ रुपैंयामा नेपाल टी–२० प्रा.लिले खरिद गरेको हो।
त्यस्तै, दोस्रो सर्वाधिक मूल्य काठमाडौंले पाएको छ। काठमाडौँ फ्रेन्चाइजलाई ३ करोड ३३ लाख ३ हजार ३ सय ३९ रुपैयाँमा कान्तिपुर पब्लिकेसन प्रा.लिले बिडिङ गरेको थियो।
