काठमाडौं । नेपाल पर्यटन बोर्डको प्रमुख कार्यकारी अधिकृत(सीईओ)मा दीपकराज जोशी नियुक्त भएका छन्। जोशीलाई पर्यटन बोर्ड सञ्चालक समितिको बिहीबार बसेको बैठकले सीईओ नियुक्त गरेको हो।
खुला प्रतिस्पर्धामा सहभागी २० जनामध्ये जोशी सीईओ छनोट भएका हुन्। २० मध्ये तीन प्रतिस्पर्धीको सूचीमा निवर्तमान सीईओ धनञ्जय रेग्मी, ज्ञानेश्वर महतो थिए। संस्कृति, पर्यटन तथा नागरिक उड्डयन मन्त्रालयका सहसचिव इन्दु घिमिरेको संयोजकत्वमा गठित तीन सदस्यीय छनोट समितिले जोशीको नाम दोस्रो नम्बरमा सिफारिस गरेको थियो।
