काठमाडौं । साफ यु २० च्याम्पियनसिपमा भारतलाई हराउँदै बंगलादेश फाइनलमा पुगेको छ। सोमबार सातदोबाटो स्थित एन्फा कम्प्लेक्समा भएको दोस्रो सेमिफाइनल खेलमा भारतलाई पेनाल्टी सुटआउटमा ४–३ ले हराउँदै बंगालादेश फाइनलमा पुगेको हो।
निर्धारित समय १–१ को बराबरी पछि खेल पेनाल्टी सुटआउटमा गएको थियो ।
बंगालादेशका गोलकिपरले भारतका २ खेलाडीको पेनाल्टी रोक्दै टोलीलाई फाइनलमा पुर्याएका हुन् । पहिलो हाफमा लिएको अग्रतालाई जोगाउन नसक्दा बंगलादेशले पेनाल्टी सुटआउटसम्म कुर्नु परेको थियो ।
भारतले दोस्रो हाफमा गोल गर्दै खेलमा फर्के पनि पेनाल्टी सुटआउटमा दुई खेलाडी असफल भएसँगै उपाधि रक्षा सकेन ।
नेपाल र बंगलादेशबीचको फाइनल बुधवार त्रिपुरेश्वरस्थित दशरथ रंगशालामा हुनेछ।
