काठमाडौं । कक्षा १२ को नतिजा सार्वजनिक भएको छ । शुक्रबार बसेको राष्ट्रिय परीक्षा बोर्डको बैठकले सार्वजनिक गर्ने निर्णय गरेको थियो । गत वैशाख १४ गतेदेखि २४ गतेसम्म सञ्चालन भएको कक्षा १२ को परीक्षामा चार लाख ९१ हजार ४९७ विद्यार्थी सहभागी भएका थिए ।
कक्षा १२ को नतिजा सार्वजनिक, ५२ प्रतिशत मात्र उत्तीर्ण बोर्डले पाँच हजार ५४२ विद्यालयका विद्यार्थीलाई एक हजार ५२६ परीक्षा केन्द्र मार्फत परीक्षा सञ्चालन गरेको थियो ।
नतिजाअनुसार कक्षा १२ मा १ लाख ८७ हजार विद्यार्थी नन्ग्रेडेड भएका छन् । नियमिततर्फ ३ लाख ९० हजार ८ सय ६८ परीक्षार्थी सहभागी रहेकामा २ लाख ३ हजार ८ सय ४७ विद्यार्थी मात्रै उत्तीर्ण भएका हुन् ।
कक्षा १२ मा १ लाख ८७ हजार विद्यार्थी ’नन्ग्रेडेड’
सबैभन्दा बढी २.८१ देखि ३.२० जीपीए प्राप्त गर्ने विद्यार्थीको संख्या ७८ हजार ७५ रहेको छ । २.४१ देखि २.८० जीपीए प्राप्त गर्ने विद्यार्थीको संख्या ६१ हजार ३६ छ । ३.२१ देखि ३.६० जीपीए प्राप्त गर्ने विद्यार्थीको संख्या ४६ हजार ८ सय ९३ रहेको छ । त्यस्तै सबैभन्दा माथिल्लो ३.६१ देखि ४ जीपीए ल्याउने विद्यार्थी ९ हजार ५ सय ९१ छन् ।
२.१ देखि २.४० जीपीए ल्याउने विद्यार्थीको संख्या ८ हजार २ सय ४० र १.६१ देखि २ जीपीए ल्याउने विद्यार्थीको संख्या १२ जना छन् ।
ग्रेडेड
२.८१ देखि ३.२० जीपीए : ७८ हजार ७५
२.४१ देखि २.८० जीपीए : ६१ हजार ३६
३.२१ देखि ३.६० जीपीए : ४६ हजार ८ सय ९३
३.६१ देखि ४ जीपीए : ९ हजार ५ सय ९१
२.१ देखि २.४० जीपीए : ८ हजार २ सय ४०
१.६१ देखि २ जीपीए : १२
कुल : २ लाख ३ हजार ८ सय ४७
नन्ग्रेडेड
१ लाख ८७ हजार ०२१
कुल परीक्षामा सहभागी : ३ लाख ९० हजार ८ सय ६८
