काठमाडौ । नेपाली फुडगुरू सुरेशचन्द्र बस्नेतको ‘द टेस्ट अफ हिमालयन’ पुस्तक बजारमा आएको छ । नेपाली रैथाने खानालाई विश्व बजारमा स्थापित गराउने तयार पारिएको पाककला सम्बन्धी (कुकबुक) ‘द टेस्ट अफ हिमालयन’ नामक पुस्तक बजारमा आएको हो।
नेपाली खानालाई विश्व व्यापिकरण गर्ने अभियानमा लागि परेका सामाजिक अभियान्ता फुडगुरू बस्नेतले परम्परागत नेपाली संस्कृतिमा आधारित रहेका नेपाली खानाहरु बनाउने तरिकाहरू ‘द टेस्ट अफ हिमालयन’ मा समेटेका छन् ।
नेपाली खानाको ब्राण्ड पस्किन अन्तर्राष्ट्रिय स्तरमा मात्र नभई नेपाल भित्रै पनि नेपाली खानाको प्रवद्र्धन गर्न सात प्रदेशलाई प्रतिनिधित्व गर्ने विभिन्न जातजातिका रैथाने खाना नेपाली परिकारहरूको स्वाद तयारी गरी तराईं, पहाड र हिमाली क्षेत्रका घरमै प्रयोग हुने मसलाबाट परिकारहरु बनाउने तरिकालाई बस्नेतले पुस्तकमा समावेश गरेका छन् ।
लेखक बस्नेत ग्यास्ट्रोनोमी टुरिज्म एशोसियसन अफ नेपालको अध्यक्ष हुन् । उनले बिगत तीन दशक देखि पाककलामा रचनात्मक शैली मार्फत् दर्जनौ विभिन्न होटल, रेस्टुरेँण्ट एवम् शैक्षिक प्रतिष्ठान काम गरेर अनुभवलाई नेपाली खानाको विकास र विस्तारमा लगाएका छन् ।
गुणस्तरीय खाना र लोकल संस्कृति बीचको सम्बन्धको अध्ययन, राष्ट्रिय तथा अन्तर्राष्ट्रिय विभिन्न पर्यटन, सेवामुलक तथा सामाजिक संघसंस्था मार्फत राष्ट्र विकास, पर्यटन प्रवद्र्धन तथा सामाजिक सेवामा रही नेपालको संस्कृति झल्किने नेपाली मौलिक खानाको पहिचान, खोज अनुसन्धान, रैथाने बाली र मसला प्रयोग गरि नयाँ नयाँ खानाको प्रचार प्रसार गरि नेपाललाई विश्व बजार सामु चिनाउन र ग्यास्ट्रोनोमी टुरिज्म क्षेत्रलाई अगाडी बढाउन बस्नेतको उच्च योगदानको रहदै आएको छ।
