काठमाडौं । लामो समयदेखि रिक्त रहेको प्रतिनिधिसभाको उपसभामुख पदका लागि आज निर्वाचन हुँदैछ । संसद सचिवालयले सार्वजनिक गरेको निर्वाचन कार्यतालिका अनुसार शुक्रबार दिउँसो ३ बजे उपसभामुख चुन्न संसदमा मतदान हुनेछ।
हिजो सार्वजनिक गरिएको उम्मेदवारको अन्तिम नामावलीमा उपसभामुख पदका लागि सत्ता गठबन्धनका तर्फबाट कांग्रेसकी पुष्पा भुसाल र प्रमुख प्रतिपक्षी दल नेकपा एमालेका तर्फबाट विद्या भट्टराईले उम्मेदवारी दर्ता गराएका छन्। तत्कालीन उपसभामुख डा. शिवमाया तुम्बाहाम्फेले राजीनामा दिएपछि प्रतिनिधि सभामा अढाई वर्षदेखि उपसभामुख पद खाली छ।
