काठमाडौं । कोरोना भाइरसबाट पछिल्लो २४ घण्टामा थप १४ जनाको मृत्यु भएको छ भने १ हजार १२८ जनामा संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा २० हजार ९८९ जनामा कोरोना परिक्षण भएको थियो । जसमा १७ हजार ४४७ पीसीआर परीक्षण गर्दा ६६६ जनामा र ३ हजार ५४२ एन्टिजेन परीक्षण गर्दा ४६२ जनामा संक्रमण पुष्टि भएको हो ।
त्यसैगरी सोही अवधिमा २ हजार २१५ जना निको भएको छन् । हाल देशभर सक्रिय संक्रमितको संख्या २७ हजार ४४१ जना रहेको छ । मन्त्रालयको विवरण अनुसार पछिल्लो २४ घण्टामा १ लाख ४५ हजार २६५ जनाले कोरोना विरुद्धको खोप लगाएका छन् ।
