काठमाडौं । रोल्पामा बिहीबार बेलुकी भएको बस दुर्घटनामा परी चार जनाको घटनास्थलमै मृत्यु भएको छ ।
दाङको घोराहीबाट रोल्पाको थवाङतर्फ जाँदै गरेको ना ३ ख ५५१८ नम्बरको बस बेलुका साढे ६ बजे दुर्घटना हुँदा ४ जनाको घटनास्थल मै मृत्यु भएको हो । दुर्घटनामा परि ६ जना घाइते भएका छन् ।
बस शहीद मार्ग अन्तर्गत माडी गाउँपालिका वडा नम्बर २ जलजलास्थित झन्डै एक सय मिटर तल माडी खोलामा खसेको हो ।
घटनास्थलमै ३ जना पुरूष र १ महिला गरी चार जनाको मृत्यु भएको रोल्पाका प्रहरीले जनाएको छ । घाइतेहरुको उद्धार गरी सुनिल स्मृति अस्पताल घर्ती गाउँमा उपचार भइरहेको छ ।
