February 27, 2024
Comp-1-1

क्यानडाविरुद्दको एकदिवसीय श्रृंखला नेपालद्वारा क्लिनस्वीप

क्यानडाविरुद्दको एकदिवसीय श्रृंखला नेपालद्वारा क्लिनस्वीप
Comp-1-1

काठमाडौं । क्यानडाविरुद्ध एकदिवसीय श्रृंखला नेपाल क्लिनस्वीप गरेको छ । सोमबार अन्तिम एकदिवसीय खेलमा त्रिवि क्रिकेट मैदानमा भएको तेस्रो तथा अन्तिम एकदिवसीय क्रिकेटमा नेपाल ९ विकेटले विजयी भएसँगै नेपालले तीन खेलको सिरिज क्लिनस्वीप गरेको हो ।

क्यानडाले दिएको २३३ रनको लक्ष्य पछ्याएको नेपालले अनिलकुमार साह र भीम सार्कीको शतक मद्दतमा ४४.३ ओभरमा लक्ष्य पूरा गर्‍यो ।

ओपनर कुशल भुर्तेललाई १३ रनमै आउट भए । भुर्तेल आउट हुँदा टिमको स्कोर ४५ रन थियो । अनिल र भीमले दोस्रो विकेटका लागि अविजित १८९ रनको कीर्तिमानी साझेदारी गर्दै नेपाललाई जित दिलाए । यो एकदिवसीय क्रिकेटमा नेपालको सबभन्दा ठूलो साझेदारी हो । यसअघि एकदिवसीय क्रिकेटमा गत जुनमा जिम्बाब्वेविरुद्ध कुशल भुर्तेल र असिफ शेखले पहिलो विकेटका १७१ रनको साझेदारी गरेका थिए ।

अनिलले ११६ बलमा ११ चौका र एक छक्कासहित ११२ रन भीमले १२७ बलमा ११ चौका र एक छक्काको मद्दतमा १०१ रनमा अविजित रहे ।

एकदिवसीय क्रिकेटमा दुई नेपाली ब्याट्सम्यानले शतक पूरा गरेको यो पहिलो पटक हो ।

यसअघि टस हारेर ब्याटिङको निम्तो पाएको क्यानडाले निर्धारित ५० ओभरमा ८ विकेट गुमाएर २३२ रन बनाएको थियो । उसका लागि नवनित दलिवालले ५० रन बनाए भने निखिल दत्तले ४५ रन बनाए ।

नेपालका डेब्युटेन्ट हेमन्त जिसीले ३ विकेट लिए भने कुशल मल्लले २ तथा पवन सरार्फ, आकाश चन्द र ललित राजवंशीले समान १–१ विकेट लिएका थिए ।

नेपालले यसअघि पहिलो खेलमा नेपालले ७ रनले र दोस्रो खेल ४ विकेटले जितेको थियो ।

Comp-1-1

सम्बन्धित खबरहरु

New Project

भर्खरै

Skip to content